Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 134-1} mallarai maṟam cāytta malar taṇ tār akalattōṉ
• {KALI 134-2} ollātār uṭaṉṟu ōṭa uruttu uṭaṉ eṟitaliṉ
• {KALI 134-3} kol yāṉai aṇi nutal aḻuttiya āḻi pōl
• {KALI 134-4} kal cērpu ñāyiṟu katir vāṅki maṟaitaliṉ
• {KALI 134-5} irum kaṭal olittu āṅku ē iravu kāṇpatu pōla
• {KALI 134-6} perum kaṭal ōta nīr vīṅkupu karai cēra
• {KALI 134-7} pōoya vaṇṭiṉāl pulleṉṟa tuṟaiyavāy
• {KALI 134-8} pāyal koḷpavai pōla kaya malar vāy kūmpa
• {KALI 134-9} oru nilai ē naṭukkuṟṟu i ulaku elām accuṟa
• {KALI 134-10} iru nilam peyarppu aṉṉa evvam kūr maruḷ mālai
• {KALI 134-11} taval il nōy ceytavar kāṇāmai niṉaittaliṉ
• {KALI 134-12} ikal iṭum paṉi tiṉa evvattu uḷ āḻntu āṅku ē
• {KALI 134-13} kavalai koḷ neñciṉēṉ kaluḻ tara kaṭal nōkki
• {KALI 134-14} avalam mey koṇṭatu pōlum aḵtu evaṉ kol ō
• {KALI 134-15} naṭuṅku nōy ceytavar nalkāmai niṉaittaliṉ
• {KALI 134-16} kaṭum paṉi kaimmika kaiyāṟṟu uḷ āḻntu āṅku ē
• {KALI 134-17} naṭuṅku nōy uḻanta eṉ nalaṉ aḻiya maṇal nōkki
• {KALI 134-18} iṭumpai nōykku ikuvaṉa pōlum aḵtu evaṉ kol ō
• {KALI 134-19} vaiyiṉar nalaṉ uṇṭār vārāmai niṉaittaliṉ
• {KALI 134-20} kaiyaṟu neñciṉēṉ kalakkattu uḷ āḻntu āṅku ē
• {KALI 134-21} maiyal koḷ neñcoṭu mayakkattāl maraṉ nōkki
• {KALI 134-22} evvattāl iyaṉṟa pōl ilai kūmpal evaṉ kol ō
• {KALI 134-23} eṉa āṅku
• {KALI 134-24} karai kāṇā pauvattu kalam citaintu āḻpavaṉ
• {KALI 134-25} tirai tara puṇai peṟṟu tītu iṉṟi uyntāṅku
• {KALI 134-26} viraivaṉar kātalar pukutara
• {KALI 134-27} nirai toṭi tuyaram nīṅkiṉṟu āl viraintu ē